神山麺屋 (新聲大廈) (已結業)

富士山，又称神山，喺日本嘅文族象征。呢间拉面店用神山为名，师傅应该对自己嘅食物好有信心。沾面喺香港，从来都唔算系主流，但系其实我好钟意食沾面。面店以木为主调，感觉好似去咗日本。店员大力推介两款沾面，分别系一个系豚角煮，一个系叉烧，亦都只有沾面嘅肉先会烧咗先上。因为我个人比较喜欢偏肥嘅肉，所以我叫咗「神山豚角沾汁面」汤底用大量豚骨+豚肉+日本鱼介+秘制酱油制成，适合钟意浓味嘅我。豚角煮烧至微焦，散发出香味。沾面嘅面最紧要挂到汤，神山有独有坑纹面，更多surface area, 可以挂更多汤👍🏻 不得不提佢只半熟蛋，做得非常出色，蛋黄真系会流出黎。至于小食都有好多选择，有手做饺子，芦笋苗牛肉卷，神山炸鸡，海老脆卷。我就选择咗吉列广岛蚝👍🏻👍🏻👍🏻试咗梅子青柠梳打，青柠梳打加上梅子，味道好清新。总括来讲我觉得呢度嘅沾面非常出色，值得一试。