藍象泰國餐廳 (已結業)

餐厅主要系以蓝色作为主调，设计好有心思，有一种舒适嘅感觉。里面嘅灯光好柔和，近窗有一大型落地玻璃，可以睇到维港，整体环境几舒服！泰国皇家宫殿蒸饺子 叫左半份，卖相好精美吸引，一蓝一白，好似白鸽嘅样。外皮好柔韧，内里由鸡肉和虾酿成，有点冬荫功味，味道啱好，唔会太浓，仲配有酸甜汁，当然仲要欣赏厨师嘅巧手技术。蓝象炸鱼饼 都系叫左半份，加左泰国香料，香茅味加上辣味，味道浓郁，另配上酱料，辣得都几惹味。鱼露虾干炒椰菜苗 椰菜苗好新鲜，颜色翠绿。鱼露份量刚好，食落唔会过咸，配有份量唔少嘅虾干。另外椰菜苗保持爽脆且好有咬口，值得一试。铁板蚝仔蛋份量非常足够，炒蛋够滑而且蛋味浓。蚝仔数量亦唔少，炒蛋配蚝仔，食落都非常满足。另外，炒蛋底配有不少芽菜，食落够爽脆。猪颈肉杂菜炒河粉好经典嘅泰式炒制方法，餐厅用左寛河粉，口感比幼河粉更佳，而且份量一点也不少，若能更干身会更好。而猪颈肉食落好嫩，炒嘅时候已入晒味。黑白糯米饭配泰国芒果不能不推介呢一个甜品，卖相好精致，两种唔同嘅味道，黑白糯米配上酱料，同底下既芒果片一齐食，多重既口感，正！仲有朱古力雪糕同好甜嘅芒果，必须要食！