小曼谷泰國美食站

营业中

休息中

朋友介紹嚟銅鑼灣食泰國菜，餐廰座位闊落，裝修有種置身泰國夜市嘅感覺。平日仲有live band 表演，可惜疫情下停了表演。 極上牛小排醃沙律大大碟份量十足，牛小排份量多，牛小排燒得剛剛好唔會過熟，牛味濃郁肉汁豐富。沙律菜新鮮，沙律味道屬於中辣，非常醒胃。青咖喱牛腩微辣椰汁味濃，牛腩份量多肉質嫩腍，配埋烤薄餅一齊食非常夾。泰式原味烤薄餅非常鬆脆，牛油味濃，外面酥軟內裡煙韌。菠蘿雞肉炒飯，菠蘿及雞肉份量多，雞肉嫩滑，撈埋肉鬆花生粒一齊食口感豐富。