泰聚

营业中

休息中

今日Duck哥🦆同阿仔去咗太子食泰国菜，餐厅名叫泰聚 @thai.gather.hk ，食完后Duck哥🦆觉得可能系近年食过最出色嘅泰国菜😍。店舖装潢简约干净，竹笼罩灯饰，增添泰国风格🇹🇭，座位舒适，空间感足，感觉好chill🥰。酸辣青柠鲜鱿鱼 $238原条新鲜鱿鱼🦑加入高汤、大量香料、青柠汁及辣椒🌶一齐煮，鱿鱼鲜香弹牙，味道酸辣惹味，醒胃又好食。值得一赞系呢碟菜式连明炉上枱🔥，用细火保持温度，令食味更佳。炸虾饼 $98虾饼炸得香口干身，虾味鲜香，口感弹牙😍。原个菠萝炒饭 $138饭底炒得香口干身，加上丰富嘅配料，有虾🦐、鱿鱼🦑、青口🦪、新鲜菠萝肉🍍、提子干🍇及青豆，味道微酸香甜又清新。另送上小碟炒香嘅腰果及肉松，食客可按个人喜好添加入饭中，令食味更加丰富香口🥰。三色香芒糯米饭 $68芒果🥭新鲜香甜，糯米饭有3️⃣种口味：原味、蝶豆花及班兰味，味道各具特色，口感软糯香甜，蘸上甜中带咸的椰浆，真系好食到停唔到口🥰。