享慢煮意 (形點 I) (已結業)

好耐冇同媽咪出街食飯，今晚帶媽咪嚟撐枱腳。之前已經食過佢嘅其他分店覺得真係幾好食，嚟咗元朗開，終於有機會帶媽咪食好西。照舊叫咗兩個set，點都要俾媽咪試吓呢度嘅招牌龍蝦湯流心牛角包。牛角包好鬆脆，一切開就成碗龍蝦湯流咗出嚟，真係幾特別架。而我自己就揀咗是日餐湯，今晚係甘筍湯，個湯好creamy，仲有粒粒魚肉，我自己對個湯好滿意。幫媽咪揀咗個雪梨酒燉牛面頰，佢個牛面頰真係冇得頂，好夠林，味道亦都啱啱好。好多時呢個部位其他地方食過都會覺得有啲騷味，但係呢一度一啲騷味都冇，真係處理得好好。我自己就揀咗個封門牛柳配鴨肝，牛柳都好冧，牛味好濃。鴨肝雖然煎燶咗小小，不過都OK，一切開嘅時候都好冧，入口即溶。同埋鴨肝通常係比較騷，同樣地呢度都處理得好好，完全冇咗呢個問題。甜品方面就揀咗焦糖燉蛋，焦糖燉蛋好香蛋味，夠晒滑同creamy，甜度都岩岩好。另一個甜品就揀咗芝麻流心牛角包。一切開好似有一碗芝麻糊走咗出嚟咁，好正。最重要係佢又係甜到啱啱好，呢個甜品我很滿意。