影片
更多
2021-03-23
44 浏览
楼上蒸气锅海鲜餐，地方易去易揾，坐落环境舒服，打边炉唔会追太迫啲𩠌冇位放叫咗个$268嘅「星级大饱鱼」套餐一嚟唔系食海鲜锅先，系上咗伡老火炖汤先呢个炖汤真系feel到佢炖咗好耐好足料，好有屋企炖足一日嘅老火汤嘅感觉！跟住就开始上海鲜蒸气锅员工会服待埋帮手蒸，自己唔使郁手，直接蒸好上埋碟先嚟一只大鲍鱼同带子鲍鱼弹牙爽口有咬口 十分满意带子口感更加出色 相当新鲜有小许海水味咬落又系弹牙多汁充实成个口腔 相当推荐之后就系一大条圣子，成条口感丰富，同样新鲜弹牙，加埋豉油更加带出鲜味呢个都系个人超级钟意嘅跟住系大花蛤同贝壳，呢度食落全部都浓浓海水味，十分鲜甜而又有海水嘅咸味每一粒都极其鲜嫩有个波波pop出嚟不得不说呢度啲海鲜系真系高质好好味 好有惊喜最后系龙趸同海虾，龙趸肉嫩鲜甜，但份量唔多整体海鲜蒸气锅份量适中，味道甚佳，食材新鲜，值得推荐呢个套餐亦都包括一个八宝蒸饭，个人之前都冇食过可以自选八款配料，我就拣咗虾酱猪腩肉、鸡软骨肉饼、酱油渍牛脷、柱侯牛粒、腊肠、莲藕、沙嗲猪颈肉同冬菇粒结果出到嚟呢个配搭意想不到地令我满意其中个人觉得必点嘅系腊肠，令佢成个蒸饭有咗个主调，而莲藕同冬菇粒就令个饭更
叫咗个$268嘅「星级大饱鱼」套餐
一嚟唔系食海鲜锅先，系上咗伡老火炖汤先
呢个炖汤真系feel到佢炖咗好耐好足料，好有屋企炖足一日嘅老火汤嘅感觉！
跟住就开始上海鲜蒸气锅
员工会服待埋帮手蒸，自己唔使郁手，直接蒸好上埋碟
先嚟一只大鲍鱼同带子
鲍鱼弹牙爽口有咬口 十分满意
带子口感更加出色 相当新鲜有小许海水味
咬落又系弹牙多汁充实成个口腔 相当推荐
之后就系一大条圣子，成条口感丰富，同样新鲜弹牙，加埋豉油更加带出鲜味
呢个都系个人超级钟意嘅
跟住系大花蛤同贝壳，呢度食落全部都浓浓海水味，十分鲜甜而又有海水嘅咸味
每一粒都极其鲜嫩有个波波pop出嚟
不得不说呢度啲海鲜系真系高质好好味 好有惊喜
最后系龙趸同海虾，龙趸肉嫩鲜甜，但份量唔多
整体海鲜蒸气锅份量适中，味道甚佳，食材新鲜，值得推荐
呢个套餐亦都包括一个八宝蒸饭，个人之前都冇食过
可以自选八款配料，我就拣咗虾酱猪腩肉、鸡软骨肉饼、酱油渍牛脷、柱侯牛粒、腊肠、莲藕、沙嗲猪颈肉同冬菇粒
结果出到嚟呢个配搭意想不到地令我满意
其中个人觉得必点嘅系腊肠，令佢成个蒸饭有咗个主调，而莲藕同冬菇粒就令个饭更加爽口，提升口感，再配搭其他味道较浓嘅配料丰富返成个饭嘅味道
Overall都系觉得好新奇同满意嘅！
同时间食完海鲜都叫咗时蔬同肥牛
平时打边炉食就多 用蒸气锅煮就比较少
虽然分别不大 但就冇咁油腻嘅感觉
最后叫咗个包点都系十分有惊喜
竟然有黑金色嘅流沙包，喺香港嚟讲都算得数一数二好味
惊喜嘅地方系佢真系好足料，一咬识得黄流不止，相当出色
其余较惊喜嘅系合桃包，好似塞咗个合桃糊落去个包咁，从未试过（见识少）
其余包点同糕点都值得欣赏
最估唔到 系呢度竟然有四川黑糖桂花冰粉，上面有花生，成个感觉真系似返四川嘅冰粉，食完咁多热嘢食返个冰凉嘅冰粉，透心凉嘅感觉！
而另外值得一赞嘅系，呢度送嘅茶系荔枝果茶，都真系估佢唔到，味道清新
总结餐厅环境看似平，但用料、服务都真系高质素，尤其海鲜、八宝饭同包点都系意外地出色
每一样嘢都唔会话食好饱 但加埋就十分满足
而且仲有肥牛任食 整体都十分令人满意
诚心推荐
张贴
