麻痺雞 (已結業)

去到大埔墟火车站博物馆附近，有一间非常多人等位嘅鸡煲餐厅叫做《麻痹鸡》，招牌好有气派，外型古色古香，座位更有室外同埋室内选择。任食鸡煲有十二款，成人原价每位＄198，两小时任饮任食全包宴，仲有我最钟意嘅「支竹羊腩煲」添，不过朋友们都比较喜欢正宗重庆鸡煲嘅「麻痹鸡煲」底。「麻痹鸡煲」三个人就俾咗细煲嘅份量，鸡件嘅份量都比较多，而且每一件鸡都非常新鲜，肉质非常滑，而且好入味，食完之后忍唔住再encore左一只，可想而知有几好味。火锅配料超过60款选择，餐纸上食物分门别类列明，客人好容易揾到自己心爱嘅食物，当然唔少得叫我最钟意嘅豆腐、粟米、蟹柳条、韭菜饺、午餐肉同埋冬瓜等等。当中「韭菜饺」非常大只，皮薄饀靓，入面布满韭菜碎同埋猪肉，食落去非常新鲜好味。牛魔王嘅我当然要追加「手切安格斯肥牛」，份量有大、中同埋例牌选择，我哋叫咗例牌份量，肥牛条纹非常平均，食落去有好浓郁嘅牛肉味道，唔错。饮品方面，更有啤酒同埋多款汽水选择，仲有我至爱嘅樽装「竹蔗茅根凉茶」。最后三个人埋单，总共都系八百几蚊，每人都只系$200有多，最重要系鸡件非常好食，难怪全店满座。