滷友記 (加路連山道) (已結業)

喺铜锣湾做完嘢攰攰地，就行咗去加路连山道揾嘢食🤪见到新开嘅「卤友记」，主打卤水车仔面，一于入去试试佢～汤底除咗招牌卤水汤仲有其他选择，麻辣汤、蕃茄汤同酸辣汤，仲可以拣set好𩠌嘅面或自选组合自己钟意食嘅𩠌添～卤友推介👉🏻三宝面⭐️⭐️⭐️⭐️分别有金钱肚、牛筋同牛𦟌，面底推荐「手造爽脆米粉」，真心爽脆，比一般米粉好食好多，仲好索汤，吸晒啲卤水汁好入味，有惊喜❣️金钱肚有咬口得嚟唔韧；牛筋炆得好腍，感觉食咗大量骨胶原落肚😆而牛𦟌肉质偏鞋～卤水大鸡髀⭐️⭐️超大只鸡髀，好似火鸡髀咁大😂而且卤得好入味，但肉质唔够滑；卤水清清地，甜咸度刚好，鸡髀仲配有少少麻油香味～芝麻鸡丝粉皮⭐️⭐️⭐️份量大碟，水晶粉晶莹剔透，如果薄身啲会更好，配爽脆青瓜丝同鸡丝一齐食超清新，食完凉浸浸，夏天食一流🤪如果钟意食辣嘅可以拣麻辣味～嘢饮叫咗苹果雪梨雪耳+鲜柠檬薏米水，两杯都足料，滋润/清热袪湿又解渴，几时都岩饮🧡