駟馬拖車潮州飯店 (MOSTown新港城中心(4期)) (已結業)

今晚去咗马鞍山广场影猫布置 ，顺便食晚饭，见有间潮州酒楼望落去好光猛而且厨房对外感觉干净，师傅切紧卤水鹅好吸引，就入去试试。里面装修都好有中式格调，坐得好舒服。卤水鹅片色水好靓卖相不错，师傅切得鹅片够哂薄，肉质鲜嫩肥瘦适中， 分量都唔少，排得密麻麻， 卤水酱汁调得刚刚好，盖著卤水豆腐，同样嫩滑美味。Xo酱海鲜炒粉丝上枱时热辣辣出晒烟兼香喷喷，令人食欲大增。主要海鲜配料有小虾、带子， 满满的铺在粉丝上，粉丝炒得够火候，虽然XO酱吾算突出，但调味搭够。潮州蚝仔粥我哋两个人share一碗，原来份量都唔少，蚝仔 size唔细，分量都几多，加上鱼干、肉碎更添滋味。金丝糖蛋散不过不失， 有三大块，唔会太甜，作为餐后甜品都唔错。