太平飯店 (已結業)

上网睇有啲后生顶咗呢间潮洲菜老字号黎做，我班朋友一向钟意食潮洲野，今次完咗秋季旅行就过嚟开餐先💛💛佢位置就喺地铁站出口隔离，对住新开商场北角汇，所以好方便店内唔算好大，感觉有新装修过，唔系旧式打冷店格局。睇睇餐牌，有传统潮州菜，都有日常小菜晚市，价钱就中上啦，不过出面大把都差唔多价钱点菜时姐姐有不停推荐我哋嗌咩好，好有礼貌先食咗个冷盘小食 醉糖心蛋，够入味！之后就嚟啦卤水拼盘，鹅片拼墨鱼，有豆腐托底，份量都多，食落够味再嗌鹅肠，好大碟食落唔会太肥又无渣，好味㖞！之后就到姐姐推介嘅虾蚬蚝仔粥，好足料！蚝仔🦪肥美架呢个我哋一行6人，每人都分到2碗！到糖醋面，呢个就失色咗少少，因为面分布唔平均，所以中间特别厚就变得淋咗，偏油唔够脆呢个要改善喇～再嚟蚝饼我嘅至爱，佢相对就细份啲，但炸得香脆，蚝仔又多，都值得推介 至于另一个姐姐推荐嘅芝心虾枣，有爆多芝士所以比较漏，同埋佢都好大条多人分会较好，但佢炸得都好香口今餐超满足 潮洲菜真系无敌希望疫情快啲过我哋再嚟食过～