影片
更多
2020-06-12
2499 浏览
夜晚9点同朋友行完惊安，佢条日本瘾起，想食日本野，见商场有间放题收11点，平日夜晚9点3后入座HK$258加一再九折，价钱算正常，试试佢。餐厅好大好开扬，有大海景，不过唔系无敌，因为夜晚漆黑一片，日头我估唔错嘅。落单要用电话扫QR Code，落完单之后，出去拎野饮，顺便睇下有咩前菜拎，饮品除左罐装汽水同樽装茶外，仲有啤酒、清酒，食物有汤、炸鸡块、茶碗蒸、沙律、甜品等等。刺身望落色水唔差，食落都唔腥冇雪味，虾同贝类都算甜，但鱼类就争少少鲜味。叫左几款火焰寿司，火焰寿司烧完之后增添平庸食材嘅香气，海胆就细粒左啲，食落较淡。特色寿司望落几靓，但冇切走虾头食落有啲唔方便，虾配青瓜几爽甜，少少黑松露酱提升左帆立贝。食完刺身就到热食，牛肉锅汤底甜甜地，牛肉牛味唔浓，但肥瘦适中唔韧。牛柳粒同带子炒得够热，但韧左少少。清酒煮蚬几香，蚬都几多但细只左啲同埋有沙。辣酒黄金螺香而不辣。跟住到炸物，芝麻鸡翼好香脆，吉列炸蚝层皮唔会过厚，炸牛乳外脆内软，几欣赏天妇罗嘅脆皮，有啲似啤酒炸鱼，好食唔油腻。串烧方面，特别钟意虾同牛舌，唔会烧到干晒，虾够实净鲜甜，牛舌表面微焦够晒香。最后每人有一杯Haagen-Dazs
餐厅好大好开扬，有大海景，不过唔系无敌，因为夜晚漆黑一片，日头我估唔错嘅。
落单要用电话扫QR Code，落完单之后，出去拎野饮，顺便睇下有咩前菜拎，饮品除左罐装汽水同樽装茶外，仲有啤酒、清酒，食物有汤、炸鸡块、茶碗蒸、沙律、甜品等等。
刺身望落色水唔差，食落都唔腥冇雪味，虾同贝类都算甜，但鱼类就争少少鲜味。
叫左几款火焰寿司，火焰寿司烧完之后增添平庸食材嘅香气，海胆就细粒左啲，食落较淡。
特色寿司望落几靓，但冇切走虾头食落有啲唔方便，虾配青瓜几爽甜，少少黑松露酱提升左帆立贝。
食完刺身就到热食，牛肉锅汤底甜甜地，牛肉牛味唔浓，但肥瘦适中唔韧。牛柳粒同带子炒得够热，但韧左少少。清酒煮蚬几香，蚬都几多但细只左啲同埋有沙。辣酒黄金螺香而不辣。
跟住到炸物，芝麻鸡翼好香脆，吉列炸蚝层皮唔会过厚，炸牛乳外脆内软，几欣赏天妇罗嘅脆皮，有啲似啤酒炸鱼，好食唔油腻。
串烧方面，特别钟意虾同牛舌，唔会烧到干晒，虾够实净鲜甜，牛舌表面微焦够晒香。
最后每人有一杯Haagen-Dazs，不过要填意见问卷先有得食，有啲烦。咁岩有夏天新出嘅哈密瓜味，有粒粒果肉，甜味够自然。
总括而言，够阔落坐得舒服，食物选择较少，刺身质素普通，炸物同串烧较出色。
📍品川日本料理
荃湾大河道100号海之恋商场3楼3013号舖
张贴
