Dodam Chicken (1亞太中心) (已結業)

食炸鸡既话， dodam一直系我头几位之选! 因为佢呢到D炸鸡款色真系好多，怕热气既话仲有烤鸡。呢到环境仲好阔落，坐得好舒服! 今次叫左半份蜂蜜牛油脆鸡，可以简有骨或无骨，份量都几多。鸡件外皮脆卜卜，布满蜂蜜，好入味，重点系入面劲嫩滑!! 而且仲有附上腌萝卜，可以解腻。海鲜煎饼好大份! 感觉都好足料，仲有好多海鲜，有青口，虾，鱿鱼等等，单食既话比较食得饼皮既香味。不过重口味既话，可以点埋佢个source，少少酸酸辣辣，仲开胃。拌辣冷面好岩夏天食，好清爽，店员黎到会帮我地剪开D面先，之后可以跟自己口味加芥末/梨汁，辣度岩岩好，成个面食落酸酸辣辣，好正! 野饮方面叫左西柚ade，好岩打卡之余，又唔会太甜好解渴。