Camden Town

营业中

休息中

特登黎试下驰名炸鱼薯条，点知老板今晚有野做要早收，咁外卖都好啦，老板都肯即刻炸一份比我地。今晚西贡特别大风，我地揾左个细风小小既位坐低，赶系大风吹冻晒d野食前食晒佢地，如果系坐室内，我先唔舍得食得咁快。点左一份细炸鱼薯条 ($80)，两大块鱼，接近廿条粗薯条，条条都两只食指贴埋咁粗，我地两个人share都食饱左7成。炸鱼真系名不虚传，系我食过第二好既fish’n chips，(第一系前年英国文化节入面，英国过黎既pop-up fish’n chips档，都唔知叫咩名，所以西贡呢度算系全港最好之一喇。) 好食在于外皮又薄又少少松脆，有好浓郁既牛油味，鱼肉味道好淡，但系充满肉汁，热辣辣既鱼肉汁同牛油结合，系好窝心既味道。鱼块质地软熟，好易吉烂，用手成块拎住就食得干净利落好多。鱼肉味道淡，他他酱系好好既补充，主要味道系好强劲既蒜蓉味，又有小小柠檬味中和一下，无咁漏，下次要加$10要多份。薯条就比较普通，无乜炸过，唔系太香口，似系长条形既焗薯，味道温和暖胃。咁高质素既炸鱼薯条，下次一定要系餐厅入面慢慢叹，唔好食得咁急。