Barg (已結業)

今次同朋友去左间楼上西餐食晚饭，间餐厅布置得好靓，而且坐得好舒适，岩哂同朋友倾吓偈聚会。餐包沾满蒜头味嘅油好好味。连埋蒜头都可以食。龙虾汁蟹肉天使面劲多蟹肉系上面，钟意食天使面，可以捞多啲汁味道浓啲，加埋车厘茄香草更加香。烤德国咸猪手德国猪手真系好大只，上枱嘅时候仲预先帮你切开，方便我呢啲懒人食。佢啲猪手皮烤到脆卜卜，猪手肉几嫩滑，两个人share食都真系食唔晒，性价比好高。焗疏乎厘好少见咁大个疏乎厘，餐牌个卖相好吸引，忍唔住叫黎食。一上枱见到即系心心眼，够哂大个，放左一阵已经开始塌咗少少，要趁机食，味道偏甜，加左朱古力酱食个味道更好。