影片
更多
2023-11-21
1286 浏览
上星期系湾仔一间好出名食手工面嘅舖头试咗个酸菜鱼，点知又「鞋」，又多骨，影响晒全餐嘅心情。今个星期决定再接再厉，去一间未去过嘅餐厅继续食酸菜鱼。上网见鲗鱼涌有间隐世小店，收工就冲咗过去。6点9左右去到，已经有食客开紧餐，唔少枱都已经摆咗「留座」牌仔，好彩都仲有位比无订枱嘅我哋。小店装修都系比较简单，座位唔算多，唔太适合多人聚餐。晚市有提供唔少煲仔小菜，两丁友人少少，就小试咗两款：招牌酸菜鱼(滑鱼片)$198同风味干扁肥肠$126，外加两碗白饭$12/碗，同一杯自家制罗汉果茶$12。唔知大家睇相感唔感受到个热力。所谓「热食胜三分」，系凉凉地嘅天气食煲仔菜，就更加觉得好味。呢间嘅酸菜鱼可以拣辣度，同其他店唔同嘅位在于汤底内有大量嘅洋葱丝，令汤底有多一分甜味同洋葱香，但始终唔系人人钟意洋葱，啱唔啱食，就真系好个人。但鱼肉本身就无容置疑地出色，又滑又厚身，食晒全煲都无五条骨，啱晒我呢啲唔识食鱼嘅人。风味干扁肥肠都同样出色。佢嘅「风味」原来用系豉椒爆香，肥肠又真系件件肥嘟嘟，但唔系大大旧脂肪，食内脏最怕洗得唔干净，呢间好明显无呢个问题。肥肠有咬口，但唔会韧，整体系香辣过瘾，唔食辣嘅都应该可以接受
今个星期决定再接再厉，去一间未去过嘅餐厅继续食酸菜鱼。上网见鲗鱼涌有间隐世小店，收工就冲咗过去。6点9左右去到，已经有食客开紧餐，唔少枱都已经摆咗「留座」牌仔，好彩都仲有位比无订枱嘅我哋。小店装修都系比较简单，座位唔算多，唔太适合多人聚餐。
晚市有提供唔少煲仔小菜，两丁友人少少，就小试咗两款：招牌酸菜鱼(滑鱼片)$198同风味干扁肥肠$126，外加两碗白饭$12/碗，同一杯自家制罗汉果茶$12。
唔知大家睇相感唔感受到个热力。所谓「热食胜三分」，系凉凉地嘅天气食煲仔菜，就更加觉得好味。
呢间嘅酸菜鱼可以拣辣度，同其他店唔同嘅位在于汤底内有大量嘅洋葱丝，令汤底有多一分甜味同洋葱香，但始终唔系人人钟意洋葱，啱唔啱食，就真系好个人。但鱼肉本身就无容置疑地出色，又滑又厚身，食晒全煲都无五条骨，啱晒我呢啲唔识食鱼嘅人。
招牌酸菜鱼（滑鱼片）
$198
20 浏览
0 赞好
0 留言
风味干扁肥肠都同样出色。佢嘅「风味」原来用系豉椒爆香，肥肠又真系件件肥嘟嘟，但唔系大大旧脂肪，食内脏最怕洗得唔干净，呢间好明显无呢个问题。肥肠有咬口，但唔会韧，整体系香辣过瘾，唔食辣嘅都应该可以接受。
风味干扁肥肠
$126
21 浏览
0 赞好
0 留言
埋单计数，连加一，总共$396，人均约$200。
味道总评：⭐️⭐️⭐️⭐️
环境评分：⭐️⭐️⭐️
再访指数：⭐️⭐️⭐️⭐️
张贴
