程班長台灣牛肉麵 (已結業)

信我,呢间野卖点同招牌一定唔系甜品!!以我识整蛋糕既人黎讲(虽然唔算超叻),佢个甜品柜放左系门口位,下午二时进舖食野,见住佢咁晒,好易出事!特别系夏天...由于未食过冬粉,所以胆粗粗将面改成冬粉。下午两点入座,人唔算多,等小猫5-6只,外加 两位 "字游痕" 粗豪女人!原本想叫苹果醋,因为卖晒,最后改左叫蜂蜜醋。热天热辣辣,一杯微酸的醋,简直就系开胃消暑之选。大大杯慢慢饮。等左十分钟左右,期待己久的牛肉冬粉终于上黎...牛肉好腍,好入味。汤底都几好够浓!见到餐牌上讲明忠于原味,汤底会多油,会重手。想清淡者请下单时扬声。半只蛋,同几片菜,可以既话比多几片都唔洗死GE...呢兜酸菜,切得够幼细,放一把落牛肉面度。哇成件事提升左...因为佢中和左牛肉汤既油腻,令兜面心感又更加丰富左!于是一把又一把的将酸菜放落兜汤度...最后成兜冬粉食晒。女仔食会劲饱!其实呢间店都好鬼台湾地道FEEL,店够唔太干净。纸巾盒残旧,冷气槽滴水,不正正是台式小店FEEL?你唔好话台湾每间小店都肆肆正正,光猛干净...