Lilium

营业中

休息中

Lilium系太古坊附近嘅巷仔里面，好多附近返工嘅一team一team人系入面食，睇嚟有质量保证。叫咗个下午茶红烧牛肉牛丸面做当做late lunch，份量都好大，有三大旧牛肉同两粒牛丸，仲有小棠菜，我就拣咗走莞茜。牛丸弹牙多汁，牛肉非常软腍，带有胶质，口感丰富，而且煮得好入味，牛肉同汤底都系浓而不咸，食完唔会好口渴! 加上面头炸蒜同虾米调味，非常惹味。面底可以拣台湾面、冬粉等等， 台湾面面质滑腍，同我系台湾食到嘅一样~ 下午茶仲包一杯饮品，冻柠茶入面有巨量柠檬，茶底仲可以系手机落单嘅时候拣浓啲/ 淡啲，非常抵赞呀。虽然餐厅系巷仔入面，但系室内环境都几雅致，有啲台湾文青feel，窗边仲有一排好似pici咁嘅窗口位置。价钱合理又好味，之后都会想再嚟试埋盐酥鸡卤肉饭。