牡蠣不如帰

营业中

休息中

响铜锣湾新开左东京米之莲星级餐厅金色不如归香港嘅姊妹店。比IFC金色不如归似乎更有特色，除咗佢哋招牌拉面外，呢度其中一个主题系牡蛎，即系𧐢。晚饭时间经常大排长龙，今日星期五晚七点前到达有时竟然有位。呢度食嘅𧐢都系煮熟嘅，第一道似系寿司形式嘅，用味付紫菜包住寿司饭同渍左既𧐢，𧐢嘅香味好浓烈，鲜味留在口内久久不散。牡蛎野菜天妇罗有两只𧐢同3块野菜。除咗𧐢之外，其中一件野菜系明太子酿秋葵，感觉好惊喜。虽然未比未必比得上高级既天妇罗专门店，但一啲都唔失色。呢未沾左酱汁嘅𧐢串烧，可能因为我哋冇饮酒，感觉就咸咗一啲。吉列芝士一口豚都非常唔错，不过冇比较冇伤害，相对来讲附近申子居酒屋嘅吉列芝士豚就实在出色太多。牛舌丼细细个，适合唔系食太多饭嘅OL。满满嘅蛋汁令人好开心，白松露油亦都冇盖过牛舌嘅香味，不过我就觉得牛舌太韧，唔系太咬得开。华味鸟都好食，鸡肉松软有香味豚肉饺子就普普通通不过不失反而佢嘅招牌拉面，慢煮叉烧同汤底都唔错，但就觉得冇乜特别，可以专注吃牡蛎🦪菜式。座位唔算好舒服，但食物质素唔错，如果唔使排队，整体来讲系令人满意嘅一餐。