影片
更多
2018-10-09
1577 浏览
餐厅系商场三楼，地址感觉上要揾好耐，实情Apm隔离就到，都几方便。餐厅仲有室外座位，因为怕热都系坐室内地方算😂餐牌都几多选择，promotion有个set系1小食配2支somersby apple cider，小食拣左洋葱圈，好大件，热辣辣好香口。2支汽酒都唔hea, 加冰再倒插咁present出来，影相靓之余仲可以keep到冰爽的感觉，用来配洋葱圈十分适合。蟹肉龙虾汤好creamy, 蟹肉一丝丝都有几多，落左忌廉的汤感觉滑好多，龙虾味香浓有少少咸香味。虾多士好有惊喜，懒人最爱食法，虾系虾饼搽系面包上，再成块炸，香脆可口而且食得好方便，可以配泰式辣酱食，个人觉得就算唔加酱都已经好好食。主菜之一的美国牛腰柳要求了五成熟，觉得可以再生少少，肉质本身唔系好软个种，但好香肉味，而且无乜筋，加上酱汁同芥末，食落几顺。薯条系幼切，新鲜炸起香脆，幼切好处就系更脆，仲可以一次食几条。龙虾意大利饭收汁收得几好，唔太干又唔太湿，龙虾剥肉好容易，间中饭芯有少少硬，完全符合个人食risotto的口味，就系有好微的生先好食。焗苹果金宝伴云呢拿雪糕，苹果甜品黎讲，佢都唔算甜得过份，热的焗苹果配上冻的云呢拿雪糕好夹
餐厅系商场三楼，地址感觉上要揾好耐，实情Apm隔离就到，都几方便。餐厅仲有室外座位，因为怕热都系坐室内地方算😂
餐牌都几多选择，promotion有个set系1小食配2支somersby apple cider，小食拣左洋葱圈，好大件，热辣辣好香口。
2支汽酒都唔hea, 加冰再倒插咁present出来，影相靓之余仲可以keep到冰爽的感觉，用来配洋葱圈十分适合。
蟹肉龙虾汤好creamy, 蟹肉一丝丝都有几多，落左忌廉的汤感觉滑好多，龙虾味香浓有少少咸香味。
虾多士好有惊喜，懒人最爱食法，虾系虾饼搽系面包上，再成块炸，香脆可口而且食得好方便，可以配泰式辣酱食，个人觉得就算唔加酱都已经好好食。
主菜之一的美国牛腰柳要求了五成熟，觉得可以再生少少，肉质本身唔系好软个种，但好香肉味，而且无乜筋，加上酱汁同芥末，食落几顺。薯条系幼切，新鲜炸起香脆，幼切好处就系更脆，仲可以一次食几条。
龙虾意大利饭收汁收得几好，唔太干又唔太湿，龙虾剥肉好容易，间中饭芯有少少硬，完全符合个人食risotto的口味，就系有好微的生先好食。
焗苹果金宝伴云呢拿雪糕，苹果甜品黎讲，佢都唔算甜得过份，热的焗苹果配上冻的云呢拿雪糕好夹，脆crumble仲为甜品增添不少口感。
朱古力戚风蛋糕应该系用黑朱古力整的，甜度刚刚好，大概系平时食开的50%朱古力左右，戚风蛋糕好松软，一层夹一层朱古力，口感同味道都好好，值得encore。
张贴
