影片
更多
2019-03-25
76 浏览
今日约左好姐妹同佢庆祝生日，首选食日本料理，揾左好耐决定去试下厨师发办，可以慢慢食慢慢倾下计，悠哉悠哉，系呢个咁急速即社会放松一下心情。呢间地点唔难揾，门口简简单单既日本风门面，推门入去地方唔大有一张寿司bar枱同两张细枱，整间店充满简朴既色彩，主要以木黎装修，令人好舒服好放松既感觉。晚餐有两款：潮（$880）同海（$1250），贵个款比平个款多左烧物同分量多啲。最后我地选左潮，基于我地都唔好酒精所以就无拣酒。先黎前菜，有好多款，例如鱼饼、海菠萝、黑松露蛋、梅酒浸螺等等⋯⋯侍应耐心介绍完你地就开动了。小妹最钟意就系~黑松露蛋：好浓好香黑松露味，加上浓浓蛋味，高贵得黎又带点实左。梅酒浸螺：少少甜既梅酒味加上鲜甜既螺肉，味道好爽又唔怕饮醉。鱼饼：微微浓既紫苏味，配埋甜香既鱼肉，完全唔腥，一赞。食完前菜就上白子，之前食过一次所以知系咩，一啲都唔腥，好滑好鲜甜。仲有个海胆茶碗蒸，浓浓既海胆配埋滑不溜口既茶碗蒸确实一绝。再黎就到刺身，总共有3款：䲞鱼，金目鲷，左口鱼。䲞鱼鲜甜，肉质爽滑，带少少紫苏味。金目鲷块皮轻轻用火枪烧一烧，食落甜口之如有少少烧过既味道，又唔会太浓，岩岩好。左口鱼清清地，加少
呢间地点唔难揾，门口简简单单既日本风门面，推门入去地方唔大有一张寿司bar枱同两张细枱，整间店充满简朴既色彩，主要以木黎装修，令人好舒服好放松既感觉。
晚餐有两款：潮（$880）同海（$1250），贵个款比平个款多左烧物同分量多啲。最后我地选左潮，基于我地都唔好酒精所以就无拣酒。
先黎前菜，有好多款，例如鱼饼、海菠萝、黑松露蛋、梅酒浸螺等等⋯⋯侍应耐心介绍完你地就开动了。小妹最钟意就系~
黑松露蛋：好浓好香黑松露味，加上浓浓蛋味，高贵得黎又带点实左。
梅酒浸螺：少少甜既梅酒味加上鲜甜既螺肉，味道好爽又唔怕饮醉。
鱼饼：微微浓既紫苏味，配埋甜香既鱼肉，完全唔腥，一赞。
食完前菜就上白子，之前食过一次所以知系咩，一啲都唔腥，好滑好鲜甜。仲有个海胆茶碗蒸，浓浓既海胆配埋滑不溜口既茶碗蒸确实一绝。
再黎就到刺身，总共有3款：䲞鱼，金目鲷，左口鱼。
䲞鱼鲜甜，肉质爽滑，带少少紫苏味。
金目鲷块皮轻轻用火枪烧一烧，食落甜口之如有少少烧过既味道，又唔会太浓，岩岩好。
左口鱼清清地，加少少酱油带岀清甜。
食完刺身就开始食寿司，有八件，由日本师傅主理：油甘鱼，鲈鱼，带子，池鱼，松叶蟹，海胆三文鱼籽等等。小妹比较钟情啲浓味既油甘鱼，带子，松叶蟹同海胆。
油甘鱼比坊间既好唔同，无论颜色定味道，呢款好浓鱼油味，食落口有少少拖罗既油质，好好味。
带子好大只，一咬落去啖啖肉好鲜甜，好丰满既感觉。
松叶蟹脚好新鲜好多肉，师傅加左黑鱼籽特显高贵之如仲增加口感，鲜甜味美既蟹脚加埋脆卜卜既口感，层次感做得好好，完美。
海胆口感比较creamy，好有马粪海胆既感觉，唔腥之如有甜味，海胆味又浓，好钟意。
食晒八件寿司就到蟹肉蟹羔饭同汤，已经食到尾升，最后甜品系抺茶蕨饼。
呢一餐晚餐，靓人靓食物靓环境令人叹忘，倾下计咁就过左一个完美既夜晚。
张贴
