新志記海鮮飯店 (已結業)

主要嚟到呢度嘅目的，就系要一尝佢哋嘅生炒骨及糯米饭...见到隔篱枱枱都叫海鲜，先至醒起佢哋主打嘢系海鲜。肚唔能够容纳咁多嘢，都系留番下次先la..虽则系咁，依然叫咗个榨菜丝粉丝浸蚬。汤有一点点咸，但蚬肉算大只，亦冇乜沙。不过对小弟嚟讲，始终都系嗦尽汤汁嘅粉丝最好味...期待已久嘅生炒骨终于送到。望见碟底嘅甜酸汁，己知有少少唔对路--- 碟底剩下来嘅汁太多嘞，而且见到D汁尚未完全黐响D排骨度，唔系太做得到挂酱嘅效果。可能师傅多单多到炒唔切，失手咗la..可幸排骨都炸得尚算脆口，用嘅亦系半肥瘦货色，酸汁亦都并不过酸...但相比之下，好似前几日响和味馆食过嘅较出色...失望过后，希望唔好再嚟多个失望la..糯米饭一端上枱，跟太座不禁相视一笑--- "哗..好大碗ar"...初头惊食唔晒，所以唔叫一碟而只叫两碗，点知原来都系咁大件头，最尾食到要打包...饭炒得粒粒分明，绝对冇黐埋一嚿，又够干身，腊味粒亦够多。的确系一碟水准极高嘅生炒糯米饭，比多年前响深水埗排档强记食到嘅更好...加叫嘅虾干瑶柱浸娃娃菜只系食咗几口，只因太饱la..水准还可以...见到隔篱嘅豉油皇煎大虾好吸引，下次真系要试埋先.