稻田食堂

营业中

休息中

放假同朋友去咗葵芳行下，经过仁芳街稻田食堂，朋友话佢哋嘅食品出色又抵食，咁啱未食午餐，不防入去试吓！食堂地方不算大，但都整洁干净。主打日式料理。秋田便当是食堂推介的超人气便当，食材相当丰富。便当内有吉列鸡扒1件+汁煮猪软骨2件＋味付螺肉＋咖喱饭，另外仲有刺身三种（三文鱼2件，带子2件，有头甜虾）。鸡扒外脆内嫩，猪软骨够林又入味，日式咖哩伴饭好惹味，配搭埋鲜味嘅刺身真系very good!特选三色丼：有三文鱼、带子、蟹籽。三文鱼口感鲜美、入口爽滑，油脂甘香。带子口感软嫩，味道温和鲜甜，寿司饭软硬适中，加埋口感清脆嘅蟹籽食，每啖都带一丝甜味附送茶碗蒸及小食：茶碗蒸滑溜鲜甜，加入香菇、日式鱼蛋和蟹柳等，丰富了其味道和营养价值。小食味付螺肉爽脆弹牙有咬口。三文鱼寿司即叫即做，用料新鲜。咸柠七咸甜交杂、冰凉解喝。