茶木‧台式休閒餐廳 (V Walk)

营业中

休息中

好耐冇lunch食茶木啦，今次难得唔使等位，即刻走入左去食~~呢个系茶香三文鱼汤渍饭套餐，汤汁味道几浓郁，茶味比重较少，三文鱼肉有盐和胡椒碎调味，米饭加入汤汁既精华配樱花虾、鲣鱼片同脆米，入口香滑，口感好丰富。加埋呢杯脆脆黑糖瀑布珍珠奶茶，杯边系朱古力脆脆，黑糖珍珠奶茶同芋丸个味道好match。甜味浓郁，口感丰富。甜度真系比较高，唔可以成日饮~~~另一个餐系红葱酱烧猪软骨面套餐，猪软骨的嚼劲和红葱酱的口感，再配上弹牙的面条，味道浓郁既汤底，绝对美味。不过如果唔钟意浓味，未必觉得好食~~因为真系好浓味~~最后追加左甜品，台式奶茶茶冻，茶冻口感独特，有浓郁既奶茶香和Q弹的口感，同奶茶的香浓和微苦形成左完美的搭配啊!!埋单$109+16+100+22+16+10%服务费 =$289.3  整体黎讲，茶木的食物味道唔错，价格也都算合理。店内装潢简洁舒适，最紧要坐得舒服，店员服务都好亲切。如果你钟意台式美食，茶木系一家值得一试的餐厅。