影片
更多
2024-08-06
2105 浏览
Pici 一直系我的心水餐厅，想试下呢度出名的手工意粉。衬今晚早放工，咁岩又推出左新Menu – Seafood Volume 2，咁决定黎试下。睇完Menu后，发觉有唔少野都想试，所以最后决定跟随服务员推介的Tasting Menu，每都只系 $298，已经包括2款前菜、3款意粉同埋2款甜品，而如果想试今个月新推出的车厘茄蓝龙虾宽扁蛋面都只系加$40蚊。<粉红生虾他他>生虾就食得多，但生虾他他就真系第一次食。生虾够新鲜，肉质爽弹，配上西柚、橙粒提升甜味同酸味，唔会咁单调。而且份量都几多，啖啖虾肉好正。<香草番茄酱青口>一上枱已经香喷喷，番茄酱香浓带酸、够惹味，青口又索晒汁入晒味，系一道开胃前菜。<车厘茄蓝龙虾宽扁蛋面>之后就试主菜，Pici主打手工意粉，咁当然唔可以错过。首先呢度的意粉食得出好真材实料，扁蛋面充满蛋香，质感做到Al Dente的口感。而蓝龙虾肉新鲜爽弹，调味都唔错，除左蓝龙虾尾外，其余的龙虾肉都放埋系意粉当中，加埋少少芝士味，挂晒汁，够晒浓郁。加上食到有少少酒味，我估系煮龙虾时加上去，味道层次更加复杂。<慢煮牛面
睇完Menu后，发觉有唔少野都想试，所以最后决定跟随服务员推介的Tasting Menu，每都只系 $298，已经包括2款前菜、3款意粉同埋2款甜品，而如果想试今个月新推出的车厘茄蓝龙虾宽扁蛋面都只系加$40蚊。
<粉红生虾他他>
生虾就食得多，但生虾他他就真系第一次食。生虾够新鲜，肉质爽弹，配上西柚、橙粒提升甜味同酸味，唔会咁单调。而且份量都几多，啖啖虾肉好正。
<香草番茄酱青口>
一上枱已经香喷喷，番茄酱香浓带酸、够惹味，青口又索晒汁入晒味，系一道开胃前菜。
<车厘茄蓝龙虾宽扁蛋面>
之后就试主菜，Pici主打手工意粉，咁当然唔可以错过。首先呢度的意粉食得出好真材实料，扁蛋面充满蛋香，质感做到Al Dente的口感。而蓝龙虾肉新鲜爽弹，调味都唔错，除左蓝龙虾尾外，其余的龙虾肉都放埋系意粉当中，加埋少少芝士味，挂晒汁，够晒浓郁。加上食到有少少酒味，我估系煮龙虾时加上去，味道层次更加复杂。
<慢煮牛面颊寛带面>
慢煮牛面颊寛带面都系呢度的Signature Dish之一，寛带面比宽扁蛋面更阔，所以口感更加明显。牛面颊好淋，除左牛面颊粒外，还有将牛面颊碎肉加入酱汁，所以充满牛肉香味，配上碎芝士，令你食到停唔到口。
<车厘茄大虾意大利云吞>
其实我麻麻地意大利云吞，因为觉得细细粒食落去唔够过瘾。不过呢度的意大利云吞应该「Localized」左，Size系同香港平时食开的云吞无异。味道方面都有惊喜，馅料丰富，充满虾肉，已经相当浓味。另外配上两只大虾，依旧新鲜弹牙，配上车厘茄酱，为佳肴增添一丝酸度，令𩠌菜不致于食到腻的感觉。
<焦糖香蕉Tiramisu‧意式奶冻>
焦糖香蕉Tiramisu几有创意，食落比传统的Tiramisu无咁腬。而意式奶冻唔太甜，配上杂莓酱酸酸地几开胃，为呢顿晚餐画上一个完美句号。
整体而言，Pici经常会有新Menu，令人食极都唔会厌，主打的手工意粉质量高，价钱亦都合理，尤其推介Tasting Menu。另外亦都要称赞一下呢度的经理同服务员，唔全程有好好服务外，仲每道菜问你意见，讲以为自己去左五星级酒店Fine Dining。
张贴
