家後2.0

营业中

休息中

同朋友去深水埗买漫游电话卡，之后佢同我去食饺子，佢话汝洲街有间饺子店叫家后2.0，店内装简约，地方干净企理。主打手工饺子。饺子系即日新鲜包制，今日就见到佢哋系度包饺子，饀料都有好几款，而且好新鲜。饺子食法有两种，煎或灼，两种都各有特色。韮菜猪肉煎饺：饺子只只饱满，饺皮煎至金黄色，食落足料、香脆又多汁。芹菜猪肉煎饺：新鲜香芹具独特天然香气，配新鲜猪肉味道清新怡人，香脆可口。芫茜猪肉灼饺，猪肉既甜味提升左芫茜既香味，芫荽同肉嘅比例啱啱好，仲配左一碗老火汤，香甜可口。红烧猪手炆得好淋，肉质好软滑，捞埋甜甜的红烧汁，超级入味。美式咖啡的浓度较低，味道更柔和; 带有一些水果香气。冻豆浆有一股浓浓的自然豆浆香，而且入口顺滑。