味苑 (已結業)

今晚约了妈妈睇戏,睇戏前梗系医咗个肚先,妈妈想食中菜,又不想周围去,原来喺戏院对面开咗间中菜馆。门口就挂满了烧味。妈妈二话不说就走了进去。餐厅装修得好骨子。用了雀笼做灯的装饰，每张枱都有4种唔同嘅调味料,都是用公鸡图案作器皿盛载的,好怀旧。再望下餐牌,又好多唔同种类,烧味仲有海鲜套餐,餐牌上仲有啲必食精选。我和妈妈就拣了其中一样必食的菜式就是清汤蝴蝶腩 ,另外,叫了个厨皇(发发)推介 泰式咸鱼茸炒通菜 坐了一阵 炒通菜送上啦。通菜好青绿,咸鱼茸都不少,但不是太辣,所以,妈咪都好啱食。厨师将通菜炒得脆卜卜,份量又唔少,唔错。清汤蝴蝶腩就等了大约20分钟先到虽然等咁耐,但完全无失望。牛腩是用瓦煲上的,保持热辣辣。萝卜同牛腩的份量都多。萝卜好林,虽然现在不是冬天,但萝卜都没有筋,雪雪白白,吸了牛腩味道,好正。至于牛腩，真的没有失望。牛腩大件又厚身,但炆得好林,连妈妈都咬得好轻松,沾上辣椒酱更加好味。汤底好浓胡椒味。够驱风。虽然好大煲,不消一阵,就和妈妈食晒啦。加埋叫了两个白饭,真系揽住个肚嚟睇戏,哈哈最后,仲有甜品送,今晚系蕃薯糖水,蕃薯够多又够林,糖水底又够辣,真系划上完美句号。