尚鮮海鮮料理 (已結業)

和朋友相约晚餐，大家都情迷打边炉，之前听朋友话尚鲜都唔错，所以今日就入嚟试下，由于朋友有事，所以今日8:30先开餐，但一见餐牌，9:30后入座有特价，不过，算啦⋯⋯实在太肚饿，所以就入座啦！一开头先来个安格斯牛试下，肉质又唔错，牛味都几重，不过，份量就稍为少咗一些，所以叫多碟牛颈脊，来到又是另一惊喜，睇落都已经好吸引，食落比安格斯好味好多！因为朋友都喜欢海鲜，见佢有二人拼盘，都只是228，又有虾又有蚝咁⋯⋯上桌时见到都几新鲜，而当中的大花甲更是意想不到的鲜味，于是我们忍唔住就加多一碟，一碟八粒，都系一样的新鲜好味！另外，四色丸都相对无咁特别，都是和其他火锅店一样的，都算弹牙的，但唔会有冲动要加一份！此外，第一次食羽衣甘蓝，听就听得多，食就第一次，质感都几得意的，我觉得煮耐些好食些！饮品都唔错，青柠梳打蜜，酸酸地又几开胃，不错！整体都相当满意！