新斗記 (已結業)

由于已经book左枱，所以等左一阵就入到去~ 原本想叫个黑毛叉烧食，估唔到七点咁早已经卖晒冇得食~ 咁惟有叫另一个孖宝套餐先，有豉油王煎花竹虾&海皇干捞粉丝煲~ 虾虽然得四只，但佢既外型系加大码，第一次食咁大只虾，虾都几鲜，而且够入味，真系唔错~ 而粉丝煲个样虽然平平无奇，但食落去觉得d粉丝好干身且够入味，出乎意料之外好食~ 之后叫多左个金粟大鱼块&者者生菜煲，金粟鱼块d鱼好有鲜味，而且d炸粉够薄，食落口唔会觉得太腻，配埋粟米汁更加好食，值得推介~ 而个生菜煲则令人失望，者者菜煲应该系好香口，而且温度比较热，但食落口只觉得少少暖，感觉未整好已经匆忙上枱，同食沙律既唐生菜唔系差太远~ 总括来讲，食物都算唔错，但服务及环境只算一般~