勝八鉄板串料理 (已結業)

朋友好耐无见就相约黎到铜锣湾食下野同埋聚下，上网揾左阵就决定黎食呢间系TIMS SQUARE附近既铁板料理餐厅。味淋鱼干($78)先叫了几款前鱼干做前菜，有鸡泡鱼，鳕鱼棒同埋烧鱼刺，鳕鱼棒的感觉好特别，十分薄而且口感好脆，就好似食紧薯片一样既感觉，鸡泡鱼肉质软熟一点，十分有嚼劲同埋鱼味好重。还有我最喜欢的烧鱼刺，估唔想烧完既鱼刺味道系咁香口，加上少少盐已经十分好味。胡麻鸡翼($28)本人对鸡翼有特别既偏好，烧完的鸡翼不可以太干及不可有雪味，呢款鸡翼就唔会有呢D情况出现，外皮做到十分脆，将肉汁锁在鸡翼内，加上胡麻令到鸡翼既味道更加香。泡菜炒蚬($88)泡菜味道已十分足够，用黎炒蚬可以反衬出蚬肉既鲜甜味道，蚬炒完之后肉质仍然保留了鲜嫩多汁，加上辣辣地既泡菜味，日韩风味既完美结合。烧吞拿鱼鲛($298)好大份既烧吞拿鱼鲛，比较少地方可以食到，烧完既鱼鲛有焦香既味道，而且因为系鱼头既位置唔会有鱼骨，可以大啖大啖咁食，而且鱼头既肉质都好多胶质，最岩女士食，又香口又健康。