Yadllie Plate 야들리애플래이트 (兆萬中心)

放假同埋朋友去旺角睇戲，我哋先去食午餐，朋友喜歡去兆萬中心Yadllie Plate食韓國嘢，餐廳裝潢簡潔舒適，主打手工炸雞。而家Lunch時間去食仲有折扣優惠 。蜜味乳酪粉炸雞：餐廳使用韓國走地雞、濟州島蔬菜和其他材料醃製，令雞肉口感更鮮嫩。炸雞外皮金黃酥脆，沾滿蜜糖味乳酪粉，味道甜中帶鹹，十分美味！還配有炸番薯條和蝦片，香脆可口。醬豬蹄：豬腳特式在滷汁加入韓國大醬及水果，豬腳已起骨切片，上枱時已香氣撲鼻，味道清甜，豬皮Q彈，肉質有嚼勁，吃多也不會膩。魚介湯鍋湯底清甜，湯鍋原鍋連小火爐一併上枱，配料有韓式魚糕、冬菇、金菇、娃娃菜、雞蛋、白蘿蔔等，配埋魚糕一齊食用非常鮮味。芝士蟹籽蛋卷：蛋卷有多重層次口感，內裡夾左蟹子和芝士，再加上茄汁和芥末醬，每一口都充芝士和蛋香。香芋沙冰：沙冰香芋味濃郁，口感綿密，加上忌廉更滑溜。