Deer Kitchen (The Wave) (已結業)

今晚去左朋友介绍既餐厅，𠮶层暂时剩系得呢间餐厅，环境唔嘈适合倾偈。叫完野食先黎餐前包，热辣辣好软熟。生蚝，做紧优惠$10一只，一般size但几肥几厚肉，好重蚝味。玫瑰荔枝白桃沙冰，甜得黎几清，大热天时饮杯沙冰即时透心凉。泡沫蓝蝶抹茶牛奶，唔系我饮的，但卖相唔错，老婆话几好饮。墨西哥粟米脆片，焗出黎好热，粟米片比出面食开既咸，但相对之下点淡忌廉食出奇地好味，蕃茄沙沙亦都好清新。和风鳗鱼牛油果薄饼，饼底好似薄脆咁，边位超脆；中间浓味既鳗鱼配上淡淡既牛油果，味道唔错。烤烧顶级美国西冷扒，五成熟既西冷一啲都唔韧，好香浓既牛肉味。