茶廳 (已結業)

今晚同屋企人去青衣行街，发现原来青衣城二期𠮶边有一间茶餐厅，睇OpenRice啲人嘅评价都唔错，所以就决定去𠮶度食晚餐。我哋叫咗芝士咸牛肉奄列甜包，招牌手撕鸡饭，避风塘炒公仔面，咖喱牛肉饭同埋生炒骨。嘢饮我哋就叫咗热柠水，杂果宾治，红豆冰。甜品我哋就叫咗鸳鸯奶冻同埋姜汁焦糖炖蛋。芝士咸牛肉奄列甜包：呢个甜包真系好好食，佢啲咸牛肉配埋芝士好夹，而且仲好juicy ，推荐大家要食。招牌手撕鸡饭：咁多个主食之中我就最钟意呢个手撕鸡饭，佢个鸡一啲都唔鞋，好滑， 仲好多汁！避风塘炒公仔面：本身朋友啊点呢个公仔面𠮶阵时，我就觉得个公仔面一定会好淋，但系佢比想像之中好食，个面一啲都唔淋，而且仲几惹味㖞，不过就有少少喊。咖喱牛肉饭：个咖喱都唔算辣，啲牛肉都几入味。生炒骨：个人就觉得呢个生炒骨有啲酸，但系个肉质都OK，菠萝好甜。饮品：正常茶餐厅水准。姜汁焦糖炖蛋：个姜汁焦糖炖蛋好好味，平时食焦糖炖蛋都会觉得有啲腻，但系配埋个姜汁，就中和左，推荐大家食。而且上面仲有豆腐雪糕，都几好味。鸳鸯奶冻：呢个甜品都几好味，最钟意佢唔系好甜，而且好重鸳鸯味，如果钟意饮鸳鸯，应该都好钟意食。