喜利餅店 (已結業)

放工路过呢间饼店，系一间比较怀旧嘅小店，见橱窗摆满唔同口味嘅曲奇饼，仲有蛋挞、椰挞，种类繁多但我就特别被呢个蛋白椰挞吸引到。$8一个比屋苑楼下卖嘅蛋挞同椰揵价钱贵，不过质素同价钱成正比。呢款蛋白椰挞冇普通椰挞有过甜嘅缺点，而且外层嘅牛油皮牛油味香浓兼非常松脆，就算摆冻左都好食，牛油皮嘅咸香同椰蓉馅嘅甜十分配合，味道同平时食到嘅椰挞好唔同。眼见店内仲有好多小食，例如角仔、笑口枣等等贺年小吃都买得到，唔驶等新年都有得卖，一包包以小包装俾客人选择。