炊豕店 (威靈頓街) (已結業)

之前就食过铜锣湾间分店，中环呢边位置比较阔落。呢度嘅招牌系猪扒饭，所以今次就食另一款猪扒！食咗秘制肉操汁猪扒，转左捞粗面底。块炸猪扒超大块好厚身，好足料嘅感觉。虽然系炸猪扒，但系炸粉一啲都唔厚，所以食到大大啖猪扒！肉燥汁入边仲有少少肉碎捞落粗面度食一流！另外仲加咗卤水鸡蛋，好入味。另外朋友就叫咗葱油猪扒捞粗面，猪扒一样大大份，葱油好香！仲有叫咗梅菜扣肉饭，扣肉肥瘦分明，好好送饭。呢度嘅小食选择都唔少，仲叫咗款唐扬炸鸡，一样都系炸粉一啲都唔厚，配埋个沙律酱食，真系好好味。另外仲叫咗款咖喱角，上枱嘅时候所有炸物都非常之热辣辣。一碗面嘅份量都几足够，最后都食到好饱！而且系中环地段来讲，价钱都好相宜。