吉列牛忌廉烏冬專門店 (彌敦道) (已結業)

一早听朋友讲呢间嘅吉列牛同咖哩忌廉乌冬都非常好食，一直放喺我嘅口袋清单，终于忍唔住嚟探店喇~睇返餐牌价钱合理👌🏻差不多全场满座！而我都好好彩，被安排一个舒适嘅卡位👍🏻Citrus Ocean & Rose Garden ~两款饮品都以梳打水做基础，口感清爽，配上果味同花味，各有千秋！吉列牛外面已经炸到香脆，内里仍然系粉嫩嘅颜色，小烤炉可以配上唔同嘅调味料/酱料，令到全份吉列牛都有唔同嘅口味，熟度更可以自己控制，非常盏鬼！洁白无瑕嘅咖哩忌廉乌冬卖相一流，捞匀之后，每一条乌冬都沾上忌廉，所以口感都非常香滑！简直一试回味😋