鬼金棒

营业中

休息中

日本人气拉面店鬼金棒，店家主打汤底系辣麻味噌，喺日本同香港应该算系少有拉面店会有，开张第一二日我都有去试，第一日食嘅系店家招牌特制辣麻味噌拉面(小辣中麻)$120，呢度辣同麻可以分开点唔同嘅级数，由小至增量，当然唔食辣嘅亦可点唔辣唔麻，而拉面入面配菜有青葱，韮菜，粟米芯同半熟蛋，记得唔食葱同韮菜要喺落单前点选唔要，汤底系豚骨汤再加入几种唔同味噌一齐煮，跟住再因应客人点嘅辣麻级数再每个调配，汤底本身几浓厚，味噌亦香甜，个人觉得味噌可以再浓少少，而辣麻味道亦调配得好好，绝对唔系川菜嘅麻辣类型，系香辣带微微酸甜，越食越开胃，面条系粗身面，爽口弹牙同几滑，叉烧系用豚角煮，味道唔错但稍为韧左少少，第二日再嚟食嘅系芫荽辣麻味噌拉面(大辣大麻)$110，如果喜欢食芫荽系唔错选择，芫荽香味配酸甜辣麻相当夹，总结两碗面质数唔错，日本神田店我有食过，香港店同日本店相比唔会差太远，算系一间水准几高嘅日本过江龙拉面店。