醉標泰粵小廚

营业中

休息中

虽然呢一间餐厅外面睇起嚟唔显眼，但系排队同埋等外卖嘅客人都非常多，证明食物都唔会差得去边。🥳店员仲话平日八点前有八折，九点前就有九折，星期三仲全日八折添。🤩〈白汤酸菜鱼〉🫕🐟因为我同朋友都钟意食酸菜鱼，所以喺烤鱼、水煮鱼同酸菜鱼之中，就拣咗酸菜鱼，虽然份量只系一至二人份量，但系鱼片一啲都唔小，而且一条骨都冇，真系加晒分！个汤底系用海南鸡壳同其他材料熬制而成，难怪汤底食得出同其他唔同。〈马拉盏炒通菜〉🥬话明系有泰式菜食，又点会唔试吓马拉盏炒通菜呢，镬气同份量都十足架！〈豉椒炒圣子〉🤤估唔到餐厅系用短身圣子，份量多到好夸张，起码都有廿几三十只，钟意食海鲜嘅朋友不妨试吓。〈鸡软骨、鸡肾串烧、烧鱿鱼干〉🍢🍗🐟虽然串烧有少少辣，但系都烧得好香口，尤其系烧鱿鱼干，好食到一口接一口。