龍記小廚

营业中

休息中

老公话朋友介绍，观塘有间中式小炒几好，既然去开果边，咁就去食吓。餐厅光猛干净，越夜越多人。餐牌选择都几多，样样都好想食。最后我哋叫左三款小菜，一个杂菜煲同一个炒饭。金沙虾球：卖相吸引，刚炸起，热辣辣。虾球用左大只新鲜虾，口感弹牙，炸粉薄薄，入口松脆，好香咸蛋王味道，好好味。连隔离枱客人都问我哋呢个系咩小炒，佢话下次都要叫呢个。龙记炸子鸡：鸡皮又薄又脆，唔多脂肪，鸡肉嫩滑，调味亦刚刚好，作为招牌菜，我哋都几认同。海味杂菜煲：海味有虾同鱿鱼，另外仲有菇，蔬菜有菜心同白菜仔等，所有食材都系用上汤煮，整体无油，清淡，好够味道，最后连汤都饮埋，唔错。菜远炒安格斯牛肉：牛肉切得厚薄适中，味道浓，有口感，献汁浓结刚好，唔会一旧旧。菜心炒得够镬气，爽口，估唔到用安格斯牛肉去炒系咁好味。私房蟹皇酱海鲜炒饭：炒饭份量多，蟹皇酱咸咸香香，配料有翠肉瓜、虾同鱿鱼。炒饭粒粒分明，唔会太多油，加左咸蛋王一齐炒，咸蛋王炒到刚好流心，唔会炒到熟透，真心觉得好食。