Outdark (H8)

营业中

休息中

今日去咗尖沙咀Outdark食炸鸡，真系好满足呀！呢到系楼上铺，一开门就见到劲靓既灯饰呢间餐厅主打韩式食品，装修好有特色，灯光特登教得昏暗柔和啲，比大家坐得舒服。餐厅嘅环境都几舒服，座位唔会太逼，服务员嘅态度好好，笑容满面，而且好有礼貌，会主动帮你介绍餐牌同埋解答问题。我哋叫咗个双拼炸鸡，鸡块全部都无骨，仲配上大量薯条薯格。炸鸡外皮脆卜卜，咬落去好香口，肉质又嫩滑，真系好juicy又唔会油腻，好惹味。酱汁配搭都好多选择，今次我地拣左蒜香蜜糖同辛辣，even个辣酱食落都系先甜后辣，好过瘾！海鲜薄饼，食落好烟韧香口，面头加左鱿鱼同虾仁，配上个酱汁食真系一流！炒粉丝，作为传统韩国街头小食一定要试下，估唔到劲入味，全部粉丝都索晒啲汁，又唔会煮到太淋，仲有好多配料令整体口感同味道更丰富。整体嚟讲，我觉得Outdark嘅炸鸡真系好出色，值得一试！下次我一定会再嚟试其他口味嘅炸鸡。