餃掂手工餃子雲吞專門店

饺掂之前食过几次，同朋友一致决定要经常encore，即叫即蒸又馅多皮薄，价钱合理。黎开呢头行街，又黎左呢度开餐。松茸素汤饺8只$58松茸味道浓郁，配素菜非常健康，更加带出松茸的鲜味。煎韭菜猪肉饺10只$60外皮烟香口脆身，韭菜馅料满满都系猪肉，口口都系肉汁，食唔停口。香煎软心芝士饺10只$68芝士加入猪肉馅，难得一点都不肥腻，反而仲好滋味，系个出色的配搭。四川凉面$30选了小辣的版本，虽然价钱平但份量多同质素非常高，弹牙又好惹味。山楂雪梨水$20 一杯蜜糖柠檬薏米水$20 一杯自家制饮品值得一叫，低糖又可下火，食完饺子怕热气岩晒。