馬六

营业中

休息中

中午同屋企人去食马来西亚菜，见呢间马六嘅菜式好多，就一于同妈咪去试一试。无骨海南鸡饭拼白胡椒肉骨茶（$85）海南鸡肉质滑嫩，虽然我食嘅系胸位，但一啲都唔会“鞋”，沾埋啲酸辣酱食落好惹味，而油饭有淡淡油香但唔会过油，感觉几健康。另外，肉骨茶嘅白胡椒椒味好浓，饮完成身暖笠笠。略嫌排骨肉质太林太松，唔够有口感。新加坡鱼片喇沙掺掺（$59）喇沙汤底好香浓，颜色红红地又夹杂些奶白椰浆，好香的椰味，饮落仲有少少辣。米粉加油面嘅配搭，入口都几特别，几有口感，鱼片都几有弹性。牛油咖央多士（$18）多士有四块，外层焙至金黄色，入面一边牛油另一边咖央，一咬落去牛油满口而溢，仲好香嘅班兰味添。芝士拉茶（+$4）拉茶好香好滑，入口仲有啖啖芝士味。