影片
更多
2022-06-12
71 浏览
之前同朋友试过深水埗嘅《炯记手撕鸡》，觉得佢个鹅油捞面几特别，烧鹅好好味，呢日同妈咪嚟咗长沙湾，见到间街舖又系叫”炯记”—— 《炯记餐室》，一于带妈咪去试吓呢间餐室同深水埗嘅《炯记手撕鸡》格局有啲唔同，呢度空间感大，餐枱间有充足嘅距离；有卡枱，圆枱，吧枱选择；装修清新简约，店内摆放少量植物，感觉舒适 🪴餐室嘅menu除咗有鹅油捞面，仲有啲深水埗店无嘅菜式，例如”手撕鸡牛角包”、”All Day Breakfast”、米线、咖喱饭、炒蛋饭、煎蛋饭…… 呢到嘅饮品选择仲有特饮添，不过原来呢度系冇烧鹅食㗎！唯有嗌其他𩠌去配个鹅油捞面啦！😅由于妈咪最想试鹅油捞面，我哋叫咗2个招牌捞面餐，加多个小食🔸销魂腩叉捞面叉烧半肥瘦，烧汁调味出色同鹅油捞面都好衬㖞！🔸炯记四宝捞面(手撕鸡、猪手、牛腩、牛肚）手撕鸡可以拣盐焗或者麻辣，妈咪就我拣咗盐焗，味道咸香酱皇猪手非常入味，口感软滑，完全无猪膻味，妈咪大赞好好味👍🏻牛腩同牛肚又腍又入味妈咪第一次食鹅油捞面赞佢无鹅膻味，无乜油腻感，粗面嘅面条质感煮得啱啱好，面嘅份量都几多～🔸炯记三皇盘（蒜香云耳、蒜辣凤爪、盐焗鹅肾）云耳嘅蒜香味浓郁凤爪无骨，辣味温和鹅肾爽
呢间餐室同深水埗嘅《炯记手撕鸡》格局有啲唔同，呢度空间感大，餐枱间有充足嘅距离；有卡枱，圆枱，吧枱选择；装修清新简约，店内摆放少量植物，感觉舒适 🪴
餐室嘅menu除咗有鹅油捞面，仲有啲深水埗店无嘅菜式，例如”手撕鸡牛角包”、”All Day Breakfast”、米线、咖喱饭、炒蛋饭、煎蛋饭…… 呢到嘅饮品选择仲有特饮添，不过原来呢度系冇烧鹅食㗎！唯有嗌其他𩠌去配个鹅油捞面啦！😅
由于妈咪最想试鹅油捞面，我哋叫咗2个招牌捞面餐，加多个小食
🔸销魂腩叉捞面
叉烧半肥瘦，烧汁调味出色
同鹅油捞面都好衬㖞！
🔸炯记四宝捞面
(手撕鸡、猪手、牛腩、牛肚）
手撕鸡可以拣盐焗或者麻辣，妈咪就我拣咗盐焗，味道咸香
酱皇猪手非常入味，口感软滑，完全无猪膻味，妈咪大赞好好味👍🏻
牛腩同牛肚又腍又入味
妈咪第一次食鹅油捞面
赞佢无鹅膻味，无乜油腻感，粗面嘅面条质感煮得啱啱好，面嘅份量都几多～
🔸炯记三皇盘
（蒜香云耳、蒜辣凤爪、盐焗鹅肾）
云耳嘅蒜香味浓郁
凤爪无骨，辣味温和
鹅肾爽口，盐焗味特出
🔸南瓜红萝卜鸡汤
呢个老火汤清清地，妈咪都赞几有火喉
🔸番石榴四季春乌龙茶(少甜)
番石榴味同茶味balance得几好！少甜啱哂我👍🏻
以为炯记系集团经营，每一间嘅菜式都会一样，今次发觉原来深水埗同长沙湾店都有唔同嘅风格，今次同妈咪嚟食，冇叫到长沙湾店特有嘅手撕鸡牛角包，不过我觉得呢个组合非常特别，佢仲有成个display柜show 佢出嚟添，下次有机会再嚟附近嘅时候，都想试吓！🐔🥐
张贴
