The Salted Pig (已結業)

香港唔系好多西餐厅有得食德国脆皮乳猪，虽然比较贵，但系物有所值。我同屋企人叫咗1/4只牌脆皮乳猪，价钱有d贵。乳猪系用盐腌嘅，咸度啱啱好，咸咸香香好开胃，遗憾嘅系猪皮唔够脆。酸菜都腌得啱啱好，唔系太酸，能够中和咸味。芥末汁好creamy好香口，整体味道好有层次，好好味。另外我地仲叫咗西班牙海鲜饭。海鲜饭好入味，食得出新鲜海鲜嘅鲜甜味，不过煮得太耐，又硬又干。特别要提嘅系中间果只炭烧海虾，大大只，好juicy好肥美，仲要好多膏。其他海鲜就无咁好食啦。海鲜煮到完全无哂味，其实成碟饭得饭同中间只虾有味。The Salted Pig 系一间 bar and restaurant，环境舒适，服务态度好。地段好，周围有好多商场，好适合放工/假日去。