番茄18

营业中

休息中

餐厅挂左好多霓虹灯同招牌，装潢好有旧香港特式，座位好多，环境舒服。花胶鸡汤米线：花胶好厚身富咬口，滋补养颜，切鸡脾新鲜嫩滑，鸡汤香浓，熬成奶白色，人气必点。麻辣牛坑腩汤米线：除左主打既番茄，麻辣都系招牌，汤底麻辣味十足，剌激味蕾，牛坑腩炆得软腍。招牌瑞士鸡脾：鸡脾腌得够入味，入口甜甜地，呢度既自家制瑞士汁，系用头抽熬制而成，色香味俱全。口水鸡：口水鸡充满花椒香味，口感微麻，加左花生同脆筒，I like it。招牌木碎花生多士：份量十足既厚多士，切到细细块，铺满花生酱和炼奶，劲邪恶。华田脆脆：面层既阿华田粉，脆卜卜既华田脆脆，一次过品尝多重阿华田既滋味。红绿椰冰：椰汁配上软绵绵既红豆和绿豆蓉，令我回味无穷。总结，食物好味足料，出菜快，物超所值。