新華茶餐廳

营业中

休息中

电视节目效应，今日一家大细去咗新华，食情怀(细个会去附近街市跟阿妈买𩠌），所以嗌左老式炒粉面系列嘅黑椒猪扒炒意粉，屋企人叫咗咖喱牛肉饭，小朋友食咗佢至爱嘅火腿通粉，饮咗热奶茶，冻奶茶，冻柠茶少甜，食完之后个肚有空位，嗌多咗个新鲜热辣辣酥皮蛋挞。今日嘅碳水化合物摄取量超标，但系绝对值得，尤其是系个黑椒炒意粉，里面嘅料头有韭黄、䓤段、芽菜同洋葱，啖啖意粉食落口感有层次，黑椒味足够但系唔抢喉，今日天气冻返，食完个人暖笠笠，整体够味，唔太大碟啱啱好，就算唔落猪扒都开心。屋企人个咖喱牛肉饭味道正常，杯奶茶都正常，比较香，饮完冇饱滞顶胃嘅感觉，个蛋挞冇得弹，新鲜、松化、唔会太甜，好耐冇食过呢种感觉。今日坐阁楼，好好彩一上到嚟就有张四人枱，下次试吓坐卡位。同场见到隔篱枱一对年轻父母带着几岁小朋友，爸爸慢慢教小朋友每样食物系乜嘢嚟，延续香港饮食文化🫶