影片
更多
2018-04-13
1714 浏览
最近突然好想食点心, 但又唔想去酒楼, 同朋友去左湾仔合和呢间粥粉面点心餐厅, 无论价钱、境同食物质料都令人满意。位于合和既餐厅酒楼都比人贵价既感觉, 位于中心7楼, 一出lift就可以见到开扬设计既荟面馆, 虽然只系粥粉面铺, 但装修既华丽程度不输隔离婚宴酒家, 应该是同一集团的。座位无论系卡位与否, 同样非常阔络, 以云石同中式画作等古典元素作餐桌布置, 更添雅气。餐牌单点款式好多, 包括各种粥粉面、点心同中式甜品等, 想快捷点餐可以拣二人餐或者个人套餐, 配搭好多呢。 漂爽海蜇皮伴香辣顺风耳 $68好开胃既前菜, 呢个前菜有齐我爱既海蜇同朋友爱既猪耳, 各有各食唔洗争!哈哈! 海蜇较幼身爽口未到爽脆程度, 猪耳切得够幼小口小口咁食, 青瓜腌汁微微香辣够开胃。 叉烧姜葱捞面 $72 我就系为左叉烧香葱捞面而来既! 研究过价格觉得点餐更抵, 因为可加配点心或菜之类!叉烧切得厚身, 有近七八件, 满满铺系捞面之上! 叉烧表面充满蜜糖, 令人口水直流, 肉偏瘦但不乏肥脂, 比例恰好。叉烧肉软身松化, 配上蜜度刚好既蜜汁, 意想唔到既水准喔!!捞面系我中意既幼面, 面质爽弹, 稔软度刚好,
位于合和既餐厅酒楼都比人贵价既感觉, 位于中心7楼, 一出lift就可以见到开扬设计既荟面馆, 虽然只系粥粉面铺, 但装修既华丽程度不输隔离婚宴酒家, 应该是同一集团的。座位无论系卡位与否, 同样非常阔络, 以云石同中式画作等古典元素作餐桌布置, 更添雅气。
餐牌单点款式好多, 包括各种粥粉面、点心同中式甜品等, 想快捷点餐可以拣二人餐或者个人套餐, 配搭好多呢。
漂爽海蜇皮伴香辣顺风耳 $68好开胃既前菜, 呢个前菜有齐我爱既海蜇同朋友爱既猪耳, 各有各食唔洗争!哈哈! 海蜇较幼身爽口未到爽脆程度, 猪耳切得够幼小口小口咁食, 青瓜腌汁微微香辣够开胃。
叉烧姜葱捞面 $72
我就系为左叉烧香葱捞面而来既! 研究过价格觉得点餐更抵, 因为可加配点心或菜之类!
叉烧切得厚身, 有近七八件, 满满铺系捞面之上! 叉烧表面充满蜜糖, 令人口水直流, 肉偏瘦但不乏肥脂, 比例恰好。
叉烧肉软身松化, 配上蜜度刚好既蜜汁, 意想唔到既水准喔!!捞面系我中意既幼面, 面质爽弹, 稔软度刚好, 唔需要蚝油, 单单同叉烧已经令人停不了口~
套餐拣左既菜心份量唔少, 菜心够粗身而且翠绿, 比较爽硬。
晶莹鲜虾饺 $38
既然系点心店当然要试埋点心吧! 虽然朋友爱吃烧卖, 但我地最终拍板食虾饺~ 虾饺4只上枱热辣辣, 如其名系晶莹饱满既虾饺啊, 虾饺皮偏厚, 但口感烟韧中带柔软, 正正满足到我呢个烟韧控,
虾饺饀中既虾好足料, 满满既虾肉连同些微猪油脂, 够味又有滑口, 只系略嫌未够爽口。
瑶柱真料咸肉粽 $32
无叫粥但都叫左只糭黎食, 糭size中等, 唔怕好大只会好饱, 一切就可以见到平均分布既饀料, 就系常见既咸蛋黄、肥猪肉、绿豆蓉等, 呢到肥猪肉唔会好肥腻, 岩我! 仲有完整既咸蛋黄同好多绿豆蓉, 趁热食保持烟韧咬口, 点埋砂糖食好快又清左! 至于瑶柱食唔到XD但其他配料已经令我满足。
难得见中式甜品都可以成页咁多拣, 有糕点同中式糖水等选择。
木瓜雪耳糖水 $38
木瓜稔身入口即溶咁, 雪耳同样系好软身, 证明应该煲左好耐, 唯独系比想像中细碗, 一个人都不够吃。
桂花杞子糕 $22相比起糖水, 呢个桂花杞子糕更正味, 清清既桂花令味蕾清新, 尤其系食左咁多点心粉面, 正好清清胃口, 糖度偏低, 感觉好健康呢, 想再叫多碟~~~
张贴
