影片
更多
2022-08-27
1291 浏览
呢间铁板烧比起平时嘅相对于大间，有一间大房铁板烧位同三个细铁板烧位，仲有个bar枱既omakase，今次我地就试佢既铁板烧先，但估唔到好多人食，唔系净系我地90后，仲有一大班妈妈级甚至一家人带埋小朋友嚟食，证明依家啲人真系好识食今次我哋叫咗呢个套餐系龙虾铁板烧二人前 $2380包咗前菜，沙律，汁煮白鳕鱼，龙虾配海胆汁，季节料理，熊本县产A5王牛，炒饭，鸡汤，甜品酒浸日本干鲍肥大而且肉厚软滑，而且酒味几香👍🏻👍🏻酸汁藜麦沙律藜麦我净系喺沙律嘅时候会食，食落去个沙律好fresh,而且沙律菜都新鲜上面仲有合桃，合桃唔会苦涩汁煮白鳕鱼师傅提醒最后先食皮，因为好热鳕鱼要同洋葱一齐食，要配埋侧边既黑胡椒食落去洋葱汁甜，鱼做到外脆内滑，赞 👍🏻个人认为要同洋葱同埋洋葱汁一齐食会更加出色，因为个洋葱汁好甜，而且佢煮完嘅洋葱汁唔会话10分大阵洋葱味，仲可以令到个鱼都好入味😋龙虾膏海胆汁骤眼睇都唔觉有咩特别，但系见到佢喺铁板上面郁，同埋上碟嘅时候发现原来佢好大只，因为佢嘅龙虾肉劲多，同朋友一人一半，但系佢嘅龙虾肉嘅份量系多个平时出边食嘅一人前份量，而且龙虾侧边配咗海草，令到成件事唔会净系食龙虾好腻，我见到
今次我哋叫咗呢个套餐系龙虾铁板烧二人前 $2380
包咗前菜，沙律，汁煮白鳕鱼，龙虾配海胆汁，季节料理，熊本县产A5王牛，炒饭，鸡汤，甜品
酒浸日本干鲍
肥大而且肉厚软滑，而且酒味几香👍🏻👍🏻
酸汁藜麦沙律
藜麦我净系喺沙律嘅时候会食，食落去个沙律好fresh,而且沙律菜都新鲜
上面仲有合桃，合桃唔会苦涩
汁煮白鳕鱼
师傅提醒最后先食皮，因为好热
鳕鱼要同洋葱一齐食，要配埋侧边既黑胡椒
食落去洋葱汁甜，鱼做到外脆内滑，赞 👍🏻
个人认为要同洋葱同埋洋葱汁一齐食会更加出色，因为个洋葱汁好甜，而且佢煮完嘅洋葱汁唔会话10分大阵洋葱味，仲可以令到个鱼都好入味😋
龙虾膏海胆汁
骤眼睇都唔觉有咩特别，但系见到佢喺铁板上面郁，同埋上碟嘅时候发现原来佢好大只，因为佢嘅龙虾肉劲多，同朋友一人一半，但系佢嘅龙虾肉嘅份量系多个平时出边食嘅一人前份量，而且龙虾侧边配咗海草，令到成件事唔会净系食龙虾好腻，我见到侧边有人系配蒜蓉包，虽然我劲钟意食蒜蓉包，但系我同朋友表示都系海草会好啲因为真系太饱，而且有摆盘，仲加埋只龙虾壳系面，卖相100分
而佢既汁系用左龙虾膏同海胆，师傅仲话唔够汁可以再加
个人几钟意食呢只龙虾，因为佢好爽口而且佢个份量真系好多好抵食，系我暂时食过最爽口最大只嘅龙虾💯
季节料理
今日季节料理系蒜蓉干花菇，蒜蓉超级多，而且啲菇因为经过干，所以更加香
熊本县产A5王牛
师傅会问要几多成熟，与从朋友钟意食三成熟令我都改变咗，但因为A5会比起平时嘅牛油脂更加丰富，所以如果怕太油嘅话唔建议食咁生，但如果接受到嘅佢个牛真系会好似入口即溶嘅感觉，而且好嫩滑
旁边汁酱配咗红酒汁，生磨芥末同玫瑰盐，另外仲有个酸汁
配料就配咗蒜片，羽衣甘蓝，番薯
个人认为就咁点红酒汁，生磨芥末同玫瑰盐啱啱好，唔需要加个酸汁，有酸汁反而盖过咗原本咁靓嘅牛嘅味道
生磨芥末佢系采用咗甜嘅芥末，所以落多啲都唔怕
除咗点汁之外，我认为配料三样嘢加埋一齐食更加完美，好过每样配料分开食
高菜，千本渍
我自己本身麻麻哋渍物，但朋友好钟意食
自家制清鸡汤
铁板烧好多时系比面豉汤，但呢间好有心思系自家制嘅清鸡汤，鸡汤平时我哋就饮得多，但系自家制就真系第一次饮，入面配咗啲菇同埋虾，比起平时嘅汤就较为清
蛋炒饭
蛋炒饭嘅精粹一定系要炒得够香，但系每次食都上面嘅野好多时已经饱咗，因为铁板烧真系好丰富，但系我觉得佢味道都几香，所以我忍唔住食晒
甜品
嚟到最后再饱都要食埋个甜品先系完美，女人真系有两个胃，竟然甜品有几款选择，除咗几款味嘅雪糕仲有蜜瓜
柚子雪芭，绿茶雪糕，豆腐雪糕同日本蜜瓜
我哋就拣咗豆腐味雪糕，同埋日本蜜瓜
豆腐味雪糕，本身我自己都好钟意食，佢面头仲加咗啲卜卜米，底部有加咗啲枫糖，令到平时食嘅豆腐雪糕更加一点心思，而且啲卜卜米我仲食到玄米味，而唔系淡而无味嘅卜卜米
蜜瓜就建议先食，再食雪糕，如果唔系雪糕嘅甜味就会盖过咗蜜瓜本身嘅甜味，同埋多汁好Juice
偷偷地话你哋听，个师傅仲好好今晚嘅食客都送咗鳕鱼干同埋自家制嘅红豆铜锣烧，铜锣烧仲要劲多红豆
所以我觉得呢间食物质素，价钱同埋环境都系合理，有机会我想试埋佢嘅omakase
张贴
