泰瀾鑊 (北角匯三期)

营业中

休息中

啱啱去完泰国返嚟，已经好挂住啲泰国菜，但又有排都冇得去旅行，唯有喺香港食住啲泰国菜先🥹！今次呢一间泰国菜餐厅都几新，不过餐厅嘅环境都几舒适，整体感觉上都唔错👍🏻同大家讲一讲，我哋叫咗啲乜嘢食啦！首先，就系呢个超足料香叶辣椒膏炒蓝青口，蓝青口配上香味十足嘅香叶辣椒膏，非常惹味！蓝青口好新鲜，本身已经好鲜，配上酱汁令到味道更加滋味！然后，就系呢个酸辣青柠乌头，酸辣青柠乌头真系简单又有泰式风味，乌头鱼肉甜嫩滑，配搭香茅、辣椒、青柠多款调味材料煮嘅汤，味道酸酸辣辣，汤连鱼肉一齐食，正呀！最后，就系生果烧菠萝，酸酸甜甜嘅烧菠萝，甜丝丝又充满果汁！整体而言，我觉得同我喺泰国食嘅味道都不相伯仲，味道嚟讲，我觉得都算几出色。