令和鍋物酒場

营业中

休息中

每次去旺角行街都会比令和锅物酒场大大块嘅牌吸引到，今晚终于入咗去试，一入门口店员会敲两下鼓欢迎客人，餐厅天花板放咗满满嘅日式灯笼，好有气氛。身为芫荽控嘅我就拣咗Reiwa海鲜桶，店员会喺你面前将一大碗芫荽酱同一大袋海鲜shake埋，最后再放一大堆芫荽碎喺面。芫荽香气温和，清新嘅味道同海鲜几夹，海鲜种类有龙虾、蚬肉、青口、带子、八爪鱼、虾等等，配埋少许蔬菜。龙虾肉质非常爽口，蚬肉鲜甜，带子肉质厚实，几高质嘅海鲜桶。另外清酒生蚝🦪一定要试，生蚝好肥美，肉质厚实，配合口感清爽、甘酸平衡嘅清酒食增添层次感。帆立贝伴高知县产柚子醋都好值得试，带子味道纯净甘甜，加埋酸酸地嘅柚子醋食令人好开胃。串烧类亦好出色，今次试咗明太子鸡翼，火候掌握得好好，鸡肉咬落去仲有肉汁。饮品试咗鲜柠檬威士忌梳打，卖相一流，威士忌份量好足，梳打水中和左威士忌熏辣呛口口感，柠檬片令饮品清新一点。