營然 (已結業)

成日听人讲，出街食饭通常都健康。今日我就要打破呢句说话！全因俾我发现咗位于喺北角炮台山嘅小清新小店—营然。店舖面积唔系好大，走简朴文青路线又带点工业风。餐厅食物款式唔系好多，主打手撕鸡/葱油鸡饭同饺子。仲有多款自家设计嘅养生花茶。我同友人分别嗌咗一个葱油鸡饭、香菇粟米饺子拼虫草花鲜肉饺子配上海面。另加左一碟菜芯苗同娃娃菜。葱油鸡饭嘅鸡件位置系脾位，啖啖肉之余，肉质亦非常嫩滑。饺子内馅料十足，皮薄多汁。猪肉偏瘦不肥腻。上海面质感烟韧，好味呀！要食得均衡，菜系一定要食既。两个字形容：清甜。至于花茶方面，我地就叫咗「颜值up茶疗」同「平心静气佛系茶疗」，前者味道带微酸；后者味道清香带微微蜜糖味，饮完好舒服！